«Ես էլ տեսա, որ Ադրբեջանի արտադրության նավթամթերքով շարժակազմը շարժվել է, գալիս  է Հայաստան: Ողջունում եմ այդ զարգացումը: Առևտուրը տեղի է ունենում մասնավոր ընկերությունների միջև, բայց, իհարկե, ՀՀ-ի ու Ադրբեջանի միջև հաստատված խաղաղությունն է, որ քաղաքական պայմաններ է ստեղծել դրա համար»,-նշեց վարչապետ Նիկոլ Փաշինյանը լրագրողների հետ ճեպազրույցում:

 

Ինչ վերաբերում է հետագա ընթացքին, ապա Փաշինյանն ասաց, որ  վրացական երկաթուղու սակագնի հետ կապված որոշակի հարցեր կան և հույս ունեն որ այդ հարցերը կկարգավորվեն: 

 

 «Եթե չկարգավորվեն, տրամաբանորեն տնտեսավարողները  այլընտրանաքային ձևեր կփնտրեն ներմուծումը և արտահանումը ապահովելու համար»,- ասաց նա։