Ս. Բաբայան. «Ադրբեջանը պատրաստվում է լայնամասշտաբ պատերազմի». Ազատություն (տեսանյութ)
Լեռնային Ղարաբաղի Պաշտպանության բանակի նախկին հրամանատար Սամվել Բաբայանը զգուշացնում է՝ այսօր Ադրբեջանը պատրաստվում է պատերազմի: «Համապատասխան ժամկետ է պետք, որ պատրաստվի: Ես ժամանակին ևս այդ մասին ասել եմ՝ գործարաններ է կառուցում հրթիռներ արտադրելու, արկեր արտադրելու, իրենց երկաթուղու խնդիրն են լուծում: Ադրբեջանը գնում է պատերազմի՝ լայնամասշտաբ ու երկարատև, պարզապես մենք չենք ուզում դա ճիշտ վերլուծել», - «Ազատությանը» տված հարցազրույցում այսօր հայտարարեց Սամվել Բաբայանը: - «Խնդիրն այն է, որ երբ նա գործարան է դնում, որ արկեր արտադրի կամ հրթիռներ արտադրի, դա խոսում է այն մասին, որ նա չի վստահում իր գործընկերներին, որոնք մատակարարում են, մտածելով, որ կարող է ինչ-որ մի փուլում իրենց չմատակարարեն: Եվ ինքը փորձում է, զենք գնելով՝ հրթիռային, արկային և այլ արտադրանքը, ինչը հետագայում պիտի մատակարարվի, իր մոտ արտադրի», - հավելեց նա։ ԼՂ պաշտպանության նախկին նախարարը ընդգծեց՝ Ադրբեջանը այն երկիրը չէ, որ զենք արտադրի «աշխարհով մեկ առևտուր անելու համար»: - «Այսինքն, երբ նա նման քայլերով առաջ է գնում, նշանակում է՝ պատրաստվում է երկարատև պատերազմի: Սա իմ կարծիքն է», - ասաց Սամվել Բաբայանը: Ավելին՝ սկզբնաղբյուր կայքում
