Դատարանը Գասպարիի բողոքը թողել է առանց քննության
Վերաքննիչ քրեական դատարանը որոշել է առանց քննության թողնել քաղաքացիական ակտիվիստ Վարդգես Գասպարի բողոքը: Ինչպես նշեց Վարդգես Գասպարիի պաշտպան Դավիթ Գյուրջյանը, բողոքն առանց քննության թողնելու պատճառն այն է, որ իբրեւ ժամկետ են բաց թողել: «Վերաքննիչ դատարանը կամայական մոտեցում է ցուցաբերում եւ հակասում է ինքն իր պրակտիկային: Բազմաթիվ են դեպքերը, երբ վճիռները 5-օրյա ժամկետից ուշ ենք ստանում եւ ստացման օրվանից մեկամսյա ժամկետում նոր բողոք ենք ներկայացնում»,- այս մասին «Ա1+»-ին ասաց Դավիթ Գյուրջյանը: Որոշումը կբողոքարկվի Վճռաբեկ դատարանում: Հիշեցնենք, որ քաղաքացիական ակտիվիստ Վարդգես Գասպարիին Շենգավիթ վարչական շրջանի ընդհանուր իրավասության դատարանը դատապարտել էր 450 հազար դրամ տուգանքի։ Գասպարին մեղավոր էր ճանաչվել վարչական դատարանի դատավորի հասցեին վիրավորական արտահայտություններ հնչեցնելու համար: Մեղադրողը միջնորդել էր նրան դատապարտել 400 հազար դրամ տուգանքի: