A
A
Ազատամարտիկները բանակցեցին ոստիկանության հետ եւ փոխեցին որոշումը (տեսանյութ)
Երեւանի փոխոստիկանապետ Վալերի Օսիպյանի հետ զրուցելուց հետո ազատամարտիկները հայտարարեցին, որ իրենք այսօր ձեռնպահ կմնան գործողություններ իրականացնելուց։ Ավելի վաղ նրանք ժամանակ էին տվել ոստիկանությանը՝ մինչեւ ժամը 18,00-ն՝ ասելով, որ եթե ոստիկանությունը մինչ այդ ժամը իրենց չհայտնի, թե ովքեր են Սմբատ Հակոբյանին ծեծի ենթարկողները, իրենք գործողությունների կդիմեն։ Սակայն հիմա նրանք հայտարարում են. «Մենք չենք խանգարի, որպեսզի ոստիկաններն այստեղ անհրաժեշտ գործողություններ իրականացնեն։ Վաղը, ժամը 11-ին կհավաքվենք հիվանդանոցում, եւ կախված նրանից, թե ոստիկանությունն ինչ պատասխան կտա մեզ, կորոշենք հետագա քայլերի հաջորդականությունը»։ Այս պահին Արամի փողոցում դեռ տասնյակ ոստիկաններ են հավաքված։
