A
A
Սայաթ Նովա 10-ում իրարանցում է
Այսօր Սայաթ Նովա 10 հասցեում կրկին իրարանցում էր։ Բակում կառուցապատմանը դեմ բնակիչները ամեն գնով փորձում էին խափանել բանվորների աշխատանքը, ինչի արդյունքում քաշքշուկ սկսվեց, որը կասեցվեց միայն ոստիկանների միջամտությամբ։
Այս պահին ոստիկանները շարունակում են հսկել շենքի բակը, իսկ բնակիչները բակում հավաքված սպասում են քաղաքապետարանի աշխատակցի այցելությանը։
Հիշեցնենք, ամիսներ առաջ բակի կաթսայատունը վաճառվել է, եւ սեփականատերը պատրաստվում է տեղում բազմաֆունկցիոնալ շենք կառուցել, իսկ բնակիչները համոզված են, որ արդյունքում բակը խիստ կփոքրանա, եւ նույնիսկ Շտապ օգնության մեքենա չի կարող մտնել բակ։
