A
A
Ազատամարտիկը եւս 2 ամիս կմնա կալանքի տակ
Այսօր ՀՀ վերաքննիչ քրեական դատարանը մերժեց ազատամարտիկ, պահեստազորի գնդապետ Վոլոդյա Ավետիսյանի պաշտպան Արա Զաքարյանի բողոքը։
«Դատարանը գտավ, որ առաջին ատյանի դատարանի որոշումը օրինական է, այսինքն` 2 ամիս պետք է Վոլոդյան կալանքի տակ գտնվի: Դատարանը համաներման հանգամանքը փաստացի հաշվի չառավ նույնիսկ։ Այս որոշումը միանշանակ բողոքարկվելու է վճռաբեկ դատարանում, եթե դատարանի կողմից որևէ գործողություն չիրականացվեց, նաև Մարդու իրավունքների եվրոպական դատարան»,- ասում է փաստաբանը:
Վոլոդյա Ավետիսյանի մարտական ընկերներն այս որոշումից հետո փորձեցին ներխուժել դատարանի դահլիճ, բայց անվտանգության աշխատակիցները դիմադրեցին։
