A
A
Մետաքսի ճանապարհը կփրկի՞ ՀՀ գյուղերը
Ապրիլից մեկնարկում է Մետաքսի ճանապարհի սևծովյան միջանցքի (BSSRC) ծրագիրը։
Սա 24-ամսյա ծրագիր է, որը կոչված է խթանել միջսահմանային համագործակցությունը և տնտեսական զարգացումը սևծովյան տարածաշրջանի չորս երկրների՝ Հունաստանի, Թուրքիայի, Վրաստանի և Հայաստանի ավելի քան 173 համայնքներում:
Հայաստանում ծրագիրը ֆինանսավորում են Եվրամիության «Սևծովյան համագործակցության ծրագիրը», ԱՄՆ ՄԶԳ «Ի-Դի-Էմ-Սի» ծրագիրը և «Հայկական հուշարձանների ճանաչման ծրագիրը»՝ որպես ծրագրի գլխավոր իրականացնող:
Ակնկալվում է, որ ծրագիրը կնպաստի գյուղական բնակավայրերի մեկուսացման նվազեցմանը և էկոտուրիզմի խթանման միջոցով տեղական համայնքների զարգացմանը՝ նպատակ ունենալով հարստացնել այցելուների փորձը և պահպանել մշակութային հուշարձաններն ու կենսաբազմազանությունը:
