A
A
Արազ Օզբիլիսը վնասել է ոտնաթաթը
Հայաստանի հավաքականի աջ եզրային հարձակվող Արազ Օզբիլիսը մոտակա ժամանակներին հնարավոր է վիրահատության ենթարկվի: Այդ մասին հայտարարարել է հոլանդական «Այաքսի» գլխավոր մարզիչ Ֆրանկ Դե Բուրը:
Բանն այն է, որ երեկ կայացած Հոլանդիայի առաջնության «Այաքս» - «Հերակլես» խաղի 32-րդ րոպեին Արազ Օզբիլիսը ոտնաթաթի վնասվածք է ստացել եւ փոխարինվել է:
«Նման վնասվածքները վտանգավոր չեն, սակայն հաճախ պահանջվում է մեկ վիրահատություն՝ վնասվածքը վերջնական բուժելու համար: Մի քանի շաբաթ առաջ նա նույնպիսի խնդիր ուներ, սակայն խաղի նախօրեին լիովին պատրաստ էր հանդիպմանը: Սպասենք եւ տեսնենք ինչ ախտորոշում կանեն բժիշկները» - ասել է Ֆրանկ Դե Բուրը:
Ըստ հոլանդական լրրատվամիջոցների, վիրահատության դեպքում ֆուտբոլիստը բաց կթողի այս մրցաշրջանի մնացած հանդիպումները:
