Հայաստան-Ադրբեջան հանդիպումը հնարավոր է
Հայաստանի Ֆուտբոլի պատանեկան հավաքականը Ղազախստանի նախագահի գավաթի խաղարկության A խմբում կմրցի Հունգարիայի, Թուրքմենստանի եւ Ղազախստանի թիմերի հետ: Այդ մասին հատնում է Հայաստանի ֆուտբոլի ֆեդերացիայի մամուլի ծառայությունը:
Ղազախստանի նախագահի գավաթի 2012 թվականի խաղարկությունը տեղի կունենա ապրիլի 27-ից մայիսի 3-ը՝ Ալմա Աթիում: Մրցումներին կմասնակցեն պատանեկան 8 թիմեր:
B խմբում հանդես կգան Չինաստանի, Ադրբեջանի, Իրանի եւ Վրաստանի թիմերը: Խմբային փուլից հետո թիմերը կվիճարկեն 1-8-րդ տեղերը: Դա նշանակում է, որ Հայաստանի եւ Ադրբեջանի պատանի ֆուտբոլիստները հնարավոր է հանդիպեն, եթե իրենց խմբերում գրավեն նույն տեղը:
Հայաստանի մինչև 17 տարեկանների հավաքականի հանդիպումների խաղացանկը՝
28.04. Հունգարիա - Հայաստան
29.04. Հայաստան - Թուրքմենստան
01.05. Ղազախստան - Հայաստան
02.05. 1-8-րդ տեղերի հանդիպումներ
Հիշեցնենք, որ անցած տարի Հայաստանի պատանեկան հավաքականը այդ մրցաշարում գրավել էր 7-րդ տեղը:
