A
A
«Ծաղկաձոր Օփեն» շախմատի միջազգային մրցաշարի հաղթողը որոշվեց լրացուցիչ ցուցանիշով
Աջակցիր «Ա1+»-ինԾաղկաձորի «Մարիոթ» հյուրանոցում ավարտվեց «Ծաղկաձոր Օփեն» շախմատի միջազգային մրցաշարը:
Ինը տուրից հետո միանգամից 4 շախմատիստ վաստակեցին 7-ական միավոր: Լրացուցիչ ցուցանիշով մրցաշարի հաղթող ճանաչվեց հնդիկ գրոսմայստեր Աբհիմանյու Պուրանիկը: Հաջորդ տեղերը զբաղեցրին համապատասխանաբար Տիգրան Լ. Պետրոսյանը, Կրիշնան Շաշիկիրանը և Պրանեշը: Վերջին երկուսը նույնպես ներկայացնում են Հնդկաստանը: Արցախցի շախմատիստ Մանուել Պետրոսյանը 6,5 միավորով զբաղեցրեց 7-րդ տեղը:
Մրցաշարին մասնակցում էին 12 երկրների մոտ 235 շախմատիստ, այդ թվում 22-ական գրոսմայստեր և միջազգային վարպետ:
