A
A
Ադրբեջանական կողմը փակել է Հայաստան-ԼՂ գազատար խողովակաշարի փականը
Աջակցիր «Ա1+»-ին«Արցախգազ» ՓԲԸ-ից հայտնում են, որ քիչ առաջ Հայաստան-ԼՂ գազատար միակ խողովակաշարում գազի ճնշման մակարդակը սկսել է իջնել, ինչը նշանակում է, որ ադրբեջանական կողմը փակել է խողովակի վրա եղած փականը:
Առաջիկա ժամերին, ըստ գազի ճնշման մակարդակի, հստակ կլինի, թե արդյոք հերթական անջատումը լրիվ է, թե՝ մասնակի:
Պայմանավորված իրավիճակի այս փոփոխությամբ՝ «Արցախգազ» ընկերությունը խողովակաշարում կուտակված գազը մատակարարում է կրկին միայն ավտոգազալցակայաններին։
Ավելի վաղ հայտնել էինք, որ «Արցախգազ» ՓԲԸ-ն այսօր սկսել է աստիճանաբար վերականգնել ԼՂ-ի բոլոր բաժանորդների գազամատակարարումը:
