A
A
Գ. Սարգսյանը կհանդիպի հայրենակցի, Մարտիրոսյանը՝ ադրբեջանցու հետ. շախատի ԵԱ
Սերբիայում ընթացող շախմատի Եվրոպայի անհատական առաջնությունում կայացել են 2-րդ տուրի պարտիաները:
Հայաստանի շախմատիստներ Գաբրիել Սարգսյանը, Շանթ Սարգսյանը և Մամիկոն Ղարիբյանը տարել են երկրորդ անընդմեջ հաղթանակը և վաստակած 2 միավորով առաջատարների խմբում են:
Նրանցից կես միավորով հետ են մնում մեր 7 շախմատիստները, այդ թվում Հայաստանի չեմպիոն Սամվել Տեր-Սահակյանը, որն ընթացիկ տուրում հաղթել է Անդրեյ Սկվորցովին:
Այսօր կկայանան 3-րդ տուրի պարտիաները: Գաբրիել Սարգսյանը սևերով կմրցի Ռուսաստանը ներկայացնող Դավիթ Պարավյանի հետ:
Շանթ Սարգսյանի առաջիկա մրցակիցը հույն միջազգային վարպետ Կուրկուլոսն է, իսկ Մամիկոն Ղարիբյանինը՝ գրոսմայստեր Վլադիսլավ Կովալևը:
Հայաստանի հավաքականի անդամ Հայկ Մարտիրոսյանը սպիտակներով կհանդիպի ադրբեջանցի Ահմադ Ահմադզադայի հետ:
