Լևոն Արոնյանը գրոսմայստերական ոչ-ոքի խաղաց. Tata Steel Masters
Աջակցիր «Ա1+»-ինՆիդեռլանդների Վեյք Ան Զեե քաղաքում շարունակվող շախմատի Tata Steel Masters մրցաշարում այսօր անցկացվում է 7-րդ տուրը:
ԱՄՆ-ն ներկայացնող Լևոն Արոնյանը սպիտակներով հանդիպեց նիդեռլանդցի Անիշ Գիրիի հետ: Պարտիան շատ կարճ տևեց և արդեն 21-րդ քայլին կողմերը գրոսմայստերական ոչ-ոքի խաղացին:
Հայազգի շախմատիստը վաստակեց 4 միավոր և հավասարվեց 3-րդ տեղում ընթացող ամերիկացի Ֆաբիանո Կարուանային, որը դեռ խաղում է իրանցի Մաղսուդլուի հետ: Անիշ Գիրին ուզբեկ Նոդիրբեկ Աբդուսատորովի հետ 4,5 միավորով բաժանում է առաջին տեղը, սակայն վերջինս մեկ պարտիա քիչ է անցկացրել:
Աշխարհի չեմպիոն Մագնուս Կառլսենը, որը վերջերս երկու անընդմեջ պարտություն էր կրել, այս տուրում քննության է ենթարկում ռումինացի Ռիչարդ Ռապորտին:
Վաղը նախատեսված 8-րդ տուրում Լևոն Արոնյանը սևերով կհանդիպի Նոդիրբեկ Աբդուսատորովի հետ:
