Բացել լրահոսը Փակել լրահոսը
A A
Տեսանյութեր Մշակույթ Հարցազրույց

Հայերեն չեմ խոսում, Հայաստանում չեմ ապրել, բայց ես հայ եմ․ Ստաս Նամին (տեսանյութ)

Այսօր «Արամ Խաչատրյան» համերգասրահում կկայանա հայազգի անվանի արվեստագետ, ռոք երաժիշտ, կոմպոզիտոր, գեղանկարիչ, պրոդյուսեր Ստաս Նամինի 70-ամյա հոբելյանին նվիրված հոբելյանական համերգը։ Հայաստանի ազգային ֆիլհարմոնիկ նվագախմբի կատարմամբ կհնչեն Ստաս Նամինի «Աշունը Սանկտ Պետերբուրգում» սիմֆոնիկ սյուիտը և Centuria S-QUARK սիմֆոնիան։ 

Համերգից առաջ «Ա1+»-ը զրուցել է Ստաս Նամինի հետ։

«Ես երջանիկ մարդ եմ, քանի որ միշտ զբաղվել եմ նրանով, ինչ ցանկացել եմ անել։ Երբևէ երաժշտությամբ կամ գեղանկարչությամբ գումար չեմ վաստակել։ Որպեսզի կարողանամ ազատ ստեղծագործել և որևէ կախում չունենամ տարբեր չինովնիկներից ու հովանավորներից, զբաղվել եմ բիզնեսով, և այսպես ասած՝ ինքնաֆինանսավորել եմ իմ ստեղծագործական գործունեությունը։ Անգամ մշակույթի նախարարության տեղը չեմ իմանացել»,- ասաց արվեստագետը։

Հարցին, թե ռուսական մշակույթում մեծացած մարդը որքանով իրեն կարող է հայ զգալ, Նամինը պատասխանեց․

«Նախ, ես մեծացել եմ ոչ թե ռուսական, այլ համաշխարհային մշակույթով։ Այո, հայերեն չեմ խոսում, Հայաստանում չեմ ապրել, բայց ես հայ եմ»։