Ընդհանրապես տարին առողջապահական ոլորտի համար ծանր էր, սակայն մեր կենտրոնը կարողացավ պատվով հաղթահարել իրեն բաժին հասած մարտահրավերները՝ տարին ամփոփելով մի շարք հաջողություններով:

ԲԿ-ի ֆինանսա-տնտեսագիտական գծով փոխտնօրեն Տիգրան Թադևոսյանը ներկայացրեց տարվա ընթացքում իրականացված ֆինանսական քաղաքականությունը՝ ընդգծելով արձանագրված ձեռքերումները:

Դեռևս մարտ ամսին վերապրոֆիլավորվելով ինֆեկցիոն կենտրոնի, Արտաշատի ԲԿ-ն մեծ պատասխանատվությամբ ու բարձր որակով սպասարկում է կենտրոնում բուժում ստացող կորանավիրուսային ախտորոշմամբ պացիենտներին: Ընդհանուր առմամբ, մինչ օրս կենտրոնում ստացոնար բուժում են ստացել 1811 պացիենտներ, առողջացել ու դուրս են գրվել՝ 1670-ը, գրանցվել է մահվան 76 դեպք: ԲԿ-ում բուժում ստացածների թվում էին բավականին ծանր վիճակում գտնվող պացիենտներ, որոնք դուրս գրվեցին լիարժեք ապաքինված:

 

Կորոնավիրուսային համավարակի ժամանակահատվածում և Արցախյան երկրորդ պատերազմի ընթացքում երկրում ռազմական դրություն հայտարարելուց հետո մեծ ծանրաբեռնվածությամբ սկսեց աշխատել Կենտրոնի պոլիկլինիկան: Համավարակի տարածման առաջին իսկ օրերից այստեղ սահմանվել է հերթապահություն՝ ոչ աշխատանքային և տոնական օրերին, իրականացվել է կորնովիրուսային համավարակի 3500 նմուշառում:

 

Պոլիկլինկայում ձևավորված հատուկ հանձնաժողովի կողմից բժշկական քննության է ենթարկվել պահեստազորի 590 զինապարտ:

 

Իրենց զեկույցներում մանրամասն ներկայացնելով կենտրոնում արձանագրված մյուս հաջողությունները, բաժանմունքների վարիչները խոսեցին նաև տարվա ընթացքում ԲԿ-ի տեխնիական հագեցվածության մասին, ինչը զգալի բարելավավել է բուժծառայությունների որակը:

 

Արցախյան պատերազմի դիերի դատաբժշկական փորձաքննության աշխատանքների մասին խոսեց մարզի դատաբժշկական ծառայության ղեկավար Արմեն Գևորգյանը՝ միաժամանակ իր շնորհակալությունը հայտնելով Արտաշատի ԲԿ-ի տնօրեն Հայկ Համբարձումյանին՝ օպերատիվ ու սրտացավ համագործակցության համար:

 

Խորհրդակցության երկրորդ մասում Արարատի մարզպետ Ռազմիկ Թևոնյանի սահմանած պատվոգրերը ԲԿ-ի Պոլիկլինկայի աշխատակազմին և Արցախյան պատերազմի ընթացքում առաջնագծում եղած մեր մի շարք բուժաշխատակիցներին հանձնեց պարոն Համբարձումյանը՝ բոլորիս անունից երախտագիտություն հայտնելով վերջիններիս՝ հայրենիքի օրհասական օրերին բուժաշխատողի վեհ առաքելությունը պատվով իրականացնելու համար:

 

Ամփոփելով խորհրդակցությունը՝ ԲԿ-ի ղեկավարը իր շնորհակալությունը հայտնեց բոլոր ներկաներին՝ համագործակված ու արդյունավետ աշխատանքի համար: Նա ձեռք բերված հաջողություների գործում մեծապես կարևորեց մարզային իշխանությունների և Առողջապահության նախարարության մշտական հոգածությունը: