A
A
Տեսանյութում այրվող շինությունը Կապանում չի գտնվում. Սյունիքի մարզպետարանի պարզաբանումը
Աջակցիր «Ա1+»-ինՀամացանցում տարածվող «Կապանցիներն այրում են իրենց տները» վերտառությամբ տեսանյութում երևացող շինությունը չի գտնվում Կապան համայնքի վարչական տարածքում։ Այս մասին հայտարարություն է տարածել Սյունիքի մարզպետարանը:
«Համացանցում տարածվող «Կապանցիներն այրում են իրենց տները» վերտառությամբ տեսանյութի կապակցությամբ հայտնում ենք, որ տեսանյութում երևացող շինությունը չի գտնվում Կապան համայնքի վարչական տարածքում։
Կոչ ենք անում չտարածել խուճապ առաջացնող տեղեկատվություն»,- նշված է հաղորդագրության մեջ:
FIP.am-ի հետ զրույցում Կապանի քաղաքապետարանի մամուլի խոսնակ Հասմիկ Հարությունյանը տեսանյութի իսկությունը հաստատեց՝ հավելելով, որ Կապանի օդանավակայանի հարակից տարածքի տան տերն է այրել, քանի որ չի ցանկացել այն թողնել հակառակորդին։
Ըստ խոսնակի՝ սահմանազատման աշխատանքների արդյունքում պարզվել է, որ տունը գտնվում է Քաշաթաղի շրջանում և ուստի պետք է անցնի ադրբեջանական կողմին։
Իսկ հայ-ադրբեջանական սահմանը ուղիղ պետք է անցնի Կապանի օդանավակայանի կողքով։
