«Ով ձայնը կտրի՝ անբարոյականի տղա է»․ Գագիկ Ծառուկյան (տեսանյութ)
Աջակցիր «Ա1+»-ինԲՀԿ առաջնորդ Գագիկ Ծառուկյանը դուրս եկավ տնից։ Նա հայտարարեց, որ հետ չի կանգնելու իր նպատակներից, բայց նա չի պատաստվում ձայնը կտրել ․ «Ով ձայնը կտրի՝ անբարոյականի տղա է»։ Այս ամբողջը համարում է քաղաքական հետապնդում ։ Խուզարկություններ են արվում ԲՀԿ տարբեր գրասենյակներում, եւ այդ նա կապում է իշխանության հասցեին քննադատության հետ։Ըստ Ծառուկյանի՝ վիճակն այնքան վատ է, որ թե երեք ամսից երկրում սով է լինելու։
«Բայց ես էսօր որպես Ծառուկյան Գագիկ, անբարոյականի տղա լինեմ, թե հետ կանգնեմ: Հարգելի ժողովուրդ, ինչ ուզում են սարքեն, չոռը մարդուն չի կպնելու, պատրաստ եմ ամեն ինչի: Այդ վստահությունը եղել ա հնուց, 15 թվականից, ամեն ինչ առաջարկել են, չեմ համաձայնել, այսօր էլ առաջարկել են, չեմ համաձայնել: Ամենակարեւորը` ով ինչ խոսք է տվել, ինչ պարտավորություն վերցրել է, պետք է կատարի»,– ասաց նա։
Նա հայտնեց, որ այս պահին գնում է ԱԱԾ հարցաքննության։ Քաղաքացիների կողմից հայտարարություններ հնչեցին, թե կգնան նրա հետեւից։ Չնայած՝ ասվել էր, որ նա կպատասխանի լրագրողների հարցերին, բայց Գագիկ Ծառուկյանը չպատասխանեց։
