Շրջակա միջավայրի նախարարը հրաժարակա՞ն է տվել
Աջակցիր «Ա1+»-ինՎարչապետի մամուլի խոսնակ Մանե Գևորգյանը «Ա1+»-ի հետ զրույցում ո՛չ հաստատում, ո՛չ էլ հերքում է Շրջակա միջավայրի նախարար Էրիկ Գրիգորյանի՝ ազատման դիմում գրելու մասին լուրը։
Մանե Գևորգյանը խորհուրդ է տալիս սպասել պաշտոնական հաղորդագրությանը կամ ֆեյսբուքյան իր գրառմանը՝ նախարարի հնարավոր հրաժարականի իսկությունը ճշտելու համար։
Ավելի վաղ նախարարության Տեղեկատվության և հասարակայնության հետ կապերի վարչության պետ, նախարարի մամուլի քարտուղար Դավիթ Գրիգորյանը «Ա1+»-ի հետ զրույցում չցանկացավ մեկնաբանություն տալ։ «Որևէ մեկնաբանություն այդ լուրի հետ կապված չեմ կարող տալ»,- ընդգծեց նա։
Նշենք, որ լուրեր են շրջանառվում, որ Շրջակա միջավայրի նախարար Էրիկ Գրիգորյանը պաշտոնից ազատման դիմում է գրել։
Նշենք նաեւ, որ Էրիկ Գրիգորյանն այսօր, ժամեր առաջ, ֆեյսբուքյան իր էջում իր լուսանկարն էր հրապարակել ու գրել․
«Շրջակա միջավայրի պահպանությունը յուրաքանչյուրիս գործն է, անկախ մասնագիտությունից, աշխատավայրից և նախասիրություններից»։
