Բանակցային սեղանին փաստաթուղթ չկա. Ռուբեն Ռուբինյան (տեսանյութ)
Աջակցիր «Ա1+»-ինԱզգային ժողովում լրագրողների հետ զրույցում «Իմ քայլը» խմբակցության պատգամավոր, արտաքին հարաբերությունների մշտական հանձնաժողովի նախագահ Ռուբեն Ռուբինյանն անդրադարձավ ՌԴ ԱԳ նախարար Սերգեյ Լավրովի՝ նախօրեին արած հայտարարությանը:
«Այս պահի դրությամբ բանակցային սեղանին որևէ փաստաթուղթ չկա»,- ասաց Ռուբինյանը՝ նկատելով, որ կողմերը քննարկում են ընկալումները հակամարտության սկզբունքների և տարրերի վերաբերյալ:
Ռուբինյանը նշեց, որ վարչապետը և ՀՀ ԱԳ նախարարը ներկայացրել են ՀՀ դիրքորոշումները թե՛ ներքին, թե՛ արտաքին լսարանի առաջ.
«Արցախի ճակատագիրը չի կարող որոշվել առանց Արցախի մասնակցության: Այն տարածքները, որոնք ադրբեջանական կողմը դիտարկում է որպես տարածք, մենք դիտարկում ենք որպես անվտանգություն, իսկ անվտանգությունը զիջման ենթակա չէ, և կան այլ բազմաթիվ դիրքորոշումներ, որոնց մեծ մասն ԱԳ նախարարը երեկ ներկայացրեց»:
Հարցին՝ պնդո՞ւմ է այն, որ ինչ ասում է Լավորովը, իրականությանը չի համապատասխանում, Ռուբինյանը արաձագանքեց, որ ինքը իրականությունն է ասում, և ՀՀ ԱԳ նախարարը երեկ ասել է իրականությունը:
Դիտարկմանը, թե գուցե հայկական կողմը պարզաբանո՞ւմ պահանջի ռուսական կողմից տվյալ հարտարության վերաբերյալ, Ռուբինյանն արձագանքեց.
«Նախ հայկակական կողմն ասել է այն, ինչ ասել է, հայկական կողմը ներակայացրել է իրադրությունը, ներկայացրել է իր դիրքորոշումները, ՌԴ ԱԳ նախարարը ներկայացրել է իր դիրքորոշումը կամ իր ընկալումը։ ՀՀ ԱԳ նախարարը ներկայացրել է այն իրողությունները, որոնք կան և մեր դիրքորոշումը՝ դրա վերաբերյալ»:
Հարցին, թե Լավրովի այդ հայտարարությունը որոշակի աջակցություն չէ՞ Ադրբեջանին ՌԴ կողմից, Ռուբինյանն ասաց, որ իր կարծիքով՝ ընհանուր առմամբ ԵԱՀԿ Մինսկի համանախագահները հիմնականում բալանսավորված են իրենց դիրքորոշումներում, և կարող են լինել տարբեր մեկնաբանություններ, թե ինչու են հնչում այս կամ այն հայտարարությունները:
