Ես թաքցնելու ոչինչ չունեմ․ Սերժ Սարգսյանը ժամանեց Ազգային ժողով (տեսանյութ)
Աջակցիր «Ա1+»-ինՀայաստանի երրորդ նախագահ Սերժ Սարգսյանը քիչ առաջ ժամանեց Ազգային ժողով՝ մասնակցելու ապրիլյան պատերազմի հանգամանքերն ուսումնասիրող քննիչ հանձնաժողովի նիստին։
Մինչ այդ նա լրագրողներին ասաց, որ ինքն ավելի շատ է շահագրգռված՝ շփվելու լրատվամիջոցների հետո, որովհետև ինքը ոչինչ չունի թաքցնելու, և եկել է ժամանակը, երբ ինքը պատրաստ է պատասխանել բոլոր հարցերին։
«Ես դիմել էի հանձնաժողովին իմ մասնակցությամբ նիստն անցկացնել արտակարգ դրության ավարտից հետո, բայց հանձնաժողովը նպատակահարմար համարեց նիստն անցկացնել ապրիլի 16-ին, իսկ ինչպես հայտնի է արտակարգ դրությունը երկարաձգվեց։ Ուստի ես այդ հնարավորությունից զրկված եմ, որովհետև հարցն այնքան կարևոր է, որ ոտքի վրա մեկ-երկու պատասխաններով, ես չեմ կարող գոհացնել ո՛չ ձեզ, ո՛չ էլ հանրությանը»,- ասաց Սերժ Սարգսյանը։
Երրորդ նախագահը խոստացավ, որ արտակարգ դրության ավարտից հետո ասուլիս կհրավիրի և միայն ապրիլյան իրադարձությունների հետ կապված՝ կպատասխանի բոլոր հարցերին։
Սերժ Սարգսյանն այլ հարցերի չպատասխանեց։
Հիշեցնենք, որ քիչ առաջ Սերժ Սարգսյանի գրասենյակը հայտարարություն է տարածել։
