«Լացս գալիս է»․ հոգեւոր կենտրոնում եկեղեցիները չբացվեցին հավատացյալների առաջ (տեսանյութ)
Աջակցիր «Ա1+»-ինՀայաստանի հոգեւոր կենտրոնը Ս. Զատկի ճրագալույցին երբեք այդքան սակավամարդ չէր եղել։ Կորոնավիրուսի իրավիճակով պայմանավորված սահմանափակումները հավատացյալներին զրկել էին պատարագին մասնակցությունից, նույնիսկ եթե պահք էին պահել եւ հաղորդություն պետք է ստանային։ Եկեղեցի մտնել չէր թույլատրվում․այցելուների համար դրանք փակ էին։
« Լացս գալիս է, որ եկեղեցին գնացի, փակ էր»,- ասաց տարեց մի տղամարդ։
Այն ժամին, երբ ճարագալույցի պատարագն էր, Էջմիածնի բնակիչներից մեկն իր պատշգամբում բարձրախոսներ էր միացրել, եւ քաղաքի կենտրոնական հատվածը լսում էր այն։
Հիշեցնենք, որ Մայր Աթոռը որոշում է կայացրել Սուրբ պատարագներն անցկացնել դռնփակ, առանց հավատացյալների ներկայության։
Մայր Աթոռ Սուրբ Էջմիածինը հորդորել է հավատացյալներին պահքը լուծել ապրիլի 11-ին՝ Ճրագալույցի Ս․ Պատարագից հետո, և, առավելագույն պատասխանատվությամբ պահպանելով ինքնամեկուսացման սահմանված կանոնները, հաջորդող օրերին առանձնաբար այցելել եկեղեցիներ և հոգևոր հովիվներից ստանալ Սուրբ Հաղորդություն։
