Արցախյան ազատամարտի մասնակիցը արտասանում է «Աբու-Լալա Մահարի» (տեսանյութ)
Աջակցիր «Ա1+»-ինՇուշիի ազատագրման և Հայրենական մեծ պատերազմի հաղթանակների կապակցությամբ քաղաքացիները շարունակում են այցելել Հաղթանակի զբոսայգի: Արցախյան ազատամարտի մասնակից, 79-ամյա Զավեն Հարությունյանը Արցախյան պատերազմի ժամանակ եղել է Պոլիտեխնիկ ինստիտուտի ռազմական ամբիոնի հրետանային գործի դասախոս: Պատերազմին իր մասնակցությունը խիստ անհրաժեշտ է համարում, իր բնորոշմամբ՝ եղել է կատարյալ մասնագետ:
«3 տարի կռվել եմ Արցախում, և, որ ղեկավարի հետ եղել եմ, բոլորը գոհ են մնացել»,- նկատում է նա:
Հայրենիքին ծառայելու գործը միայն Զավեն Հարությունյանինը չի եղել, պապը, հայրն ու հորեղբայրներն էլ են այդ գործում առաջատար եղել:
Հարցին, թե ի՞նչ է ցանկանում Հայաստանին ու հայ ժողովրդին, արցունքն աչքերին Զավեն Հարությունյանը մեջբերում է Ավետիք Իսահակյանի «Աբու-Լալա Մահարի» պոեմից մի հատված ու ցանկություն հայտնում, որ Հայաստանի ճանապարհները փակվեն, որոնք հայերին ուղարկում են օտար երկրներ:
Կանգնիր, քարավան, ինձի կթվա,
Թե հայրենիքես ինձ մարդ կկանչե,
Բայց լուռ է շուրջս ու շշուկ չկա,
Օտար, ամայի այս անապատում....
«Ինչքան էլ հարուստ լինեն, նրանք օտար են մեզ»,- արտասանում է Զավեն Հարությունյանը:
Մանրամասն՝ տեսանյութում:
