Բացել լրահոսը Փակել լրահոսը
A A

ՀԱՆՐԱՊԵՏԱԿԱՆ ՃԱՆԱՊԱՐՀԸ ՔԱՆԴՎԵԼ Է

Մարզեր

Վազաշեն գյուղում քանդվել է Իջեւանից դեպի Բերդի տարածաշրջան տանող հանրապետական նշանակության ճանապարհը, ինչը բանուկ այս մայրուղում մեծապես դժվարեցնում է երթեւեկը: Վազաշենի գյուղապետ Վասիլ Իսահակյանի վկայությամբ, տեղանքը սողանքային գոտում է, որն ակտիվացել է վերջին երկու տարում: Քանդված հատվածի փոխարեն ճանապարհի համար ստիպված են գյուղի բնակիչներից մեկի այգուց հողատարածք վերցնել, սակայն դա հիմնահարցի լուծման ժամանակավոր միջոց է: Վասիլ Իսահակյանը հայտնեց, որ Տավուշի մարզպետարանում եւ կառավարությունում տեղյակ են այս մասին, ինչը հույս է ներշնչում, որ խնդիրը կլուծվի:

Նոյեմբերյանի «Քամուտ» ՀԸ