A
A
Գողություն հիվանդանոցում. տուժողներին են փնտրում
Մարտի 29-ին, ժամը 20.30-ին, ոստիկանության Մալաթիայի բաժնի քրեական հետախույզները օպերատիվ տվյալներն իրացնելով, գողություն կատարելու կասկածանքով, Այգեստան փողոցից բերման են ենթարկել 35-ամյա Վիգեն Մ․-ին։ Նա խոստովանական բացատրություն է տվել, որ մարտի 27-ին, ժամը 18.00-ին, օգտվելով դուռը բաց լինելու հանգամանքից, բժշկական կենտրոններից մեկի հիվանդասենյակում, 4 տարբեր պայուսակներից գողացել է 4 դրամապանակ: Գողոնն առգրավվել է: Ձեռնարկվում են միջոցառումներ տուժողներին հայտանաբերելու ուղղությամբ: Պատճառված վնասի չափը պարզվում է: Նախապատրաստվում են նյութեր: Այս մասին հայտնում է ոստիկանությունը։
