Բացել լրահոսը Փակել լրահոսը
A A

Սահմանադրության փոփոխությունները բերելու են անցանկալի հետևանքների. «Նոր ժամանակներ»

Քաղաքականություն
ddce369167db4e6e3d965192f22696b0

Սույն թվականի դեկտեմբերի 12-ին տեղի ունեցավ «Նոր Ժամանակներ» Կուսակցության 8-րդ հաշվետու-վերընտրական համագումարը: Կուսակցության առաջնորդ Արամ Կարապետյանը համակողմանիորեն ներկայացրեց երկրում ընթացող քաղաքական պրոցեսները: Համագումարը միաձայն Արամ Կարապետյանին ընտրեց կուսակցության նախագահ և ընտրեց 5 հոգուց կազմված ՆԺԿ Վարչություն ու 3 հոգուց կազմված ՆԺԿ Վերստուգիչ Հանձնաժողով: ՆԺԿ 8-րդ Համագումարը հանգամանալից քննարկեց ս.թ. դեկտեմբերի 6-ին Հայաստանում անցկացված Սահմանադրական փոփոխությունների հանրաքվեի շուրջ ծավալվող գործընթացները և դրա հետ կապված հանդես եկավ համապատասխան հայտարարությամբ: «Նոր Ժամանակներ» Կուսակցության 8-րդ համագումարի ՀԱՅՏԱՐԱՐՈւԹՅՈւՆԸ Հայաստանի Հանրապետության Սահմանադրական փոփոխությունների  հանրաքվեի մասին «Նոր Ժամանակներ»  կուսակցությունը  վերլուծելով  Հայաստանի  Հանրապետության Սահմանադրական  փոփոխությունների  հանրաքվեի  ողջ  գործընթացը ՝ Փ Ա Ս Տ ՈՒ Մ  Է՝ ա/ Սահմանադրական  փոփոխությունների  հանրաքվեն  ի ցույց  դրեց  իշխող վարչախմբի հավերժ կառավարելու ցանկությունը, բ/ Նոր Սահմանադրությունը իրականում չի լուծում Հայաստանի առաջ ծառացած բարդագույն խնդիրները, գ/ Հայաստանի   բնակչության  գերակշիռ  մասը  լիովին  կորցրել      է  վստահությունը իշխանության  մարմինների  կողմից  առաջ  քաշվող,  ծրագրերի,  գաղափարների,  կամ  կատարվող  քայլերի  նկատմամբ, դ/ Հանրաքվեն անցել է բազմաթիվ ու բազմաբնույթ խախտումներով և ընտրակեղծիքներով: Ելնելով վերոգրյալից ՆԺԿ 8-րդ համագումարը Հ Ա Յ Տ Ա Ր Ա Ր ՈՒ Մ  Է՝ ա/  Հայաստանի  Հանրապետության  Սահմանադրական  փոփոխությունների  հանրաքվեն չդարձավ  ազգային  միասնության  գործընթաց,  այն  չավելացրեց  վստահությունը  իշխող վարչախմբի  նկատմամբ,  այլ  նոր  բաժանարար  գծեր  բերեց  հասարակության  ներսում, որն  էլ ավելի  կարմատականացնի  զարգացող  ներքաղաքական  պրոցեսները, բ/ Հայաստանի Հանրապետության Սահմանադրության փոփոխությունները ԺԱՄԱՆԱԿԱՎՐԵՊ  էին և բերելու են բազում անցանկալի հետևանքների: