Բացել լրահոսը Փակել լրահոսը
A A

Ընտրողն «Այո» էր քվեարկել եւ գրել՝ «Խելքս բան չի կտրում» (տեսանյութ)

Քաղաքականություն
hashvark

«Ոչ թալանչիներին, ոչ արտագաղթին» այս գրությունն ընտրողը թողել է քվեաթերթիկի վրա: Այսօր 8/27 ընտրատեղամասի արդյունքների վերահաշվարկ էր ընթանում: Մեկ այլ ընտրող էլ «Այո» էր քվեարկել, միաժամանակ  կասկած հայտնելով «Բայց խելքս բան չի կտրում, որ լավ կլինի»: Վերահաշվարկի դիմում էր ներկայացրել ՀԱԿ-ը, արդյունքում  «Ոչ»-ի  ձայները պակասեց մեկով, մեկ քվեաթերթիկը կորել էր: «  Հնարավոր չէ անվավեր ճանաչել, հետո էլ եթե անվավեր է, նոր ընտրություն չի լինում»,- ասաց  թիվ 8 հանրաքվեի հանձնաժողովի նախագահ Օլեգ  Գրիգորյանը: Այս ընտրատեղամասում  անվավեր էր ճանաչվել 45 քվեաթերթիկ, որոնք հիմնականում քվեարկված էին «Ոչ»-ի օգտին:  «Այո»-ի օգտին քվեարկել էր  336, իսկ  «Ոչ»ի օգտին  ՝ 196  ընտրող: Վերահաշվարկից հետո «Ոչ»-ի ընտրողների թիվը դարձավ 195: 8/27 ընտրատեղամասում Աշոտ Մուսախանյանը  հանձնաժողովի  ՀԱԿ անդամ է եղել: Նրա խոսքերով՝ հանձնաժողովի նախագահը   քվեները հաշվելու ժամանակ 10-ից 15 անգամ ընդմիջում է հայտարարել՝ նշելով, որ  առողջական խնդիրներ ունի: «Բայց հենց տեղից վեր էր կենում, իրեն աշխույժ էր զգում»,- նշեց նա: Աշոտ Մուսախանյանի խոսքերով՝  հաշվարկի ժամանակ «Ոչ»-ի ձայները բավականին շատ են եղել:  «Տրցակը կրկնակի բարձր էր, կան փաստեր, մենք հաշվում էինք, անընդհատ «Ոչ»-ը շատ էր, իրենցը քիչ էր, աչքի համար պարզ երեւում էր, որ «Ոչ»-ը հաղթել է»: Հանձնաժողովի անդամը վստահեցնում է՝ դեռ հաշվարկը չավարտած, ինքն արդեն  289-ից ավել ձայն է հաշվել: «Հետո զգացի նախագահը ձեռքով տրցակը  տարավ ներքեւ, երբ որ ես սեղանի մյուս կողմից փորձեցի հանել «Ոչ»-երը  «Այո»-ն եւ «Ոչ»-ը խառնեցին եւ հանձնաժողովի մյուս անդամների կողմից  ոչ մի արձագանք  չեղավ»: Նա կասկածներ ունի, որ «Ոչ»-ի քվեաթերթիկները փոխել են: «Այստեղ նկարչություն է տեղի ունեցել, իրականում այն չէր, ինչ որ կա»,- նշեց նա: Ի դեպ, վերահաշվարկի ժամանակ հանձնաժողովի նախագահը չէր ներկայացել՝ նշելով, թե գործեր ունի: Այսօր բացվել է նաեւ 7,02  ընտրատեղամասը,  որի արդյունքում ոչերի թիվը ավելացել է 2-ով՝187-ից դառնալով 189,  իսկ «Այո»-ն պակասել   1-ով՝509-ից դառնալով 508; Վերահաշվարկի համար դիմում էր ներկայացրել ՀՅԴ-ն: