Անդրիաս Ղուկասյանը ԸՕ-ի փոփոխությունը ճիշտ է համարում
Անդրիաս Ղուկասյանի ղեկավարած «Հայ կառուցողական կուսակցությունը» առաջարկություններ կանի Ընտրական օրենսգիրքը բարեփոխելիս։ «Մենք հիմա նախաձեռնություն ենք կազմակերպել, որը նոր Սահմադրության բարեփոխման համար միավորում է ուժերը և բնականաբար Ընտրական համակարգը նույնպես հանդիսանում է մեր հետաքրքրության տիրույթում»,- «Ա1+»-ի հետ զրույցում ասաց կուսակցության ղեկավարը: Թե ի՞նչ փոփոխություններ կուսակցությունը կառաջարկի Ընտրական օրենսգրքում, Անդրիաս Ղուկասյանն այս փուլում չցանկացավ մանրամասնել, բայց նշեց, որ այն պետք է դարձնել ավելի ներկայացուցչական: «Գործող ընտրական համակարգը հնարավորություն չի տալիս ունենալ խորհրդարան, որն իսկապես լինի ներկայացուցչական մարմին և ներկայացնի հանրության բոլոր շերտերին: Բոնուսային համակարգը շեղում է ներկայացուցչական մարմնում հանրային ներկայացված լինելու ճիշտ չափերը, երբ որ քիչ տոկոսներ հավաքող կուսակցությունները ավելի շատ մադատ են ստանում արհեստական, որևէ դրական բան դա չի բերում քաղաքական համակարգի համար»,- ասաց նա Նշենք, որ մարտի 6-ին, Ազգային ժողովի նախագահ Արարատ Միրզոյանը քաղաքական ուժերին հրավիրեց միասնական ջանքերով ընտրական բարեփոխումներ անելու: