A
A
Հատուկջոկատայինները կոտրել են Սիվիլնեթի տեսախցիկը
Գյումրիում անցկացվող ինքնաբուխ ակցիայի մասնակիցների մեծ մասը հետ է քաշվել թեժ գծից, որտեղ դեռևս ակտիվ են մի քանի տասնյակ քաղաքացիներ։ Այս մասին դեպքի վայրից հայտնեց Սիվիլնեթ-ի թղթակիցը, ցուցադրելով ջարդուխուրդ եղած տեսախցիկի մասերը։ Լրագրողը անկեղծորեն նկատեց, որ նման վայրագություն տեսել է միայն մարտի մեկի դեպքերի ժամանակ։ Ակցիան շարունակվում է։ Հատուկջոկատայինները նրանց փորձում են վախեցնել նռնակներով, որոնք պայթում են օդում։ Հատուկջոկատայինները քայլ-քայլ հետ են մղել ակցիայի մասնակիցներին մոտ մեկ կմ հեռացնելով Գյումրիի ռուսական հյուպատոսարանից։ Այժմ քաղաքացիները շարժվում են դեպի Գյումրիի դատախազություն, գյումրեցի ԱԺ պատգամավորների հորդորով։
