«Պարտադիր կուտակային կենսաթոշակն ավանդ չէ»
Պարտադիր կուտակային կենսաթոշակային համակարգը չի արժանանա ավանդների ճակատագրին՝ վստահեցնում է ԱԺ ՕԵԿ պատգամավոր Հովհաննես Մարգարյանը։
«Ավանդների խնդիրը չի կրկնվի, եւ ես պետք է հիշեցնեմ, որ մենք հասանք նրան, որ ավանդները հետ վերադարձվեն։ Իսկ ինչ վերաբերում է պարտադիր կուտակային կենսաթոշակներին, ապա պետությունն է երաշխավորում, որ գումարները հետ են վերադարձվեն քաղաքացիներին»,- «Ա1+»-ի հետ զրույցում ասաց Հովհաննես Մարգարյանը։
Պարոն Մարգարյանը վստահ է, որ պարտադիր կուտակային կենսաթոշակային համակարգի գործարկվելուց հետո միայն պարզ կդառնան օրենքում առկա խնդիրները. «Օրենքը դեռ հում է, լուրջ բարեկարգման կարիքներ ունի, լուրջ երաշխիքներ պետք է ամրագրենք օրենքով, բայց օրենքը ուժի մեջ մտնելուց հետո միայն։ Միջազգային պրակտիկայում էլ է այդպես»,- նշեց պատգամավորը։
