Ակցիա՝ ընդդեմ կուտակային հիմնադրամների
«Ընդդեմ կենսաթոշակային պարտադիր վճարներին» նախաձեռնության և որոշ ԱԺ պատգամավորների ջանքերի շնորհիվ վաղը՝ նոյեմբերի 15-ին, ժամը 12:00-ին, տեղի է ունենալու ԱԺ արտահերթ նիստ, որի ընթացքում քննարկվելու են «Կուտակային կենսաթոշակների մասին» ՀՀ օրենքի որոշ բաղադրիչներ։
Հիշեցնենք, 2014թ.-ի հունվարի մեկից բոլոր նրանք, ովքեր ծնվել են 1974թ.-ին կամ դրանից հետո, նոր «Կուտակային կենսաթոշակների մասին» ՀՀ օրենքի պարտադիր բաղադրիչի համաձայն ՊԱՐՏԱԴՐՎԱԾ են լինելու իրենց զուտ աշխատավարձի 6.6-ից մինչև 13.0% փոխանցել կենսաթոշակային մասնավոր ֆոնդերին՝ 63 տարեկանից հետո ետ ստանալու պայմանով:
«Ընդդեմ կենսաթոշակային պարտադիր վճարներին» նախաձեռնությունը կոչ է անում նշված օրը՝ ժամը 12:00-ին, հավաքվել ԱԺ-ի մոտ և սատարել նախաձեռնությանն աջակցող պատգամավորներին:
«Ընդդեմ կենսաթոշակային պարտադիր վճարների» նախաձեռնություն
