«Արայիկ Պետրոսյանին պատանդ են պահում»
Պռոշյանի գյուղապետ Հրաչ Մուրադյանի սպանության համար մեղադրվող Արայիկ Պետրոսյանի նկատմամբ խափանման միջոցը երկարաձգվել է եւս երկու ամսով։
Նրա պաշտպան Նորայր Նորիկյանը համարում է, որ գործը մտել է փակուղի։
«Նախաքնություն իրականացնող մարմինը ձախողել է իրական մեղավորներին բացահայտելու գործընթացը», - ասաց նա՝ նշելով, որ 8 ամիս է՝ իրավապահ մարմիններին չի հաջողվում այդ հարցում շաշափելի արդյունքների հասնել։
Արայիկ Պետրոսյանի մյուս պաշտպանը՝ Գիվի Հովհաննիսյանն էլ ասաց, որ իր պաշտպանյանլին առանց որևէ փաստի են կալանքի տակ պահում։
« Նախաքննությունը հենց սկզբից սխալ տարբերակով է ընթացել, մեղադրել են Արայիկ Պետրոսյանին այն բանի համար, որ սպանողը նույնպես վարել է «Նիվա» մակնիշի մեքենա», - ասաց Գիվի Հովհաննիսյանը։
Փաստաբանները տեղեկացրացրին, որ բաց նամակով դիմել են ՀՀ գլխավոր դատախազին և հանդիպում խնդրել, որպեսզի ներկայացնեն իրենց բոլոր մտահոգությունները։
«Մենք այն կարծիքին ենք, որ Արայիկ Պետրոսյանին որպես պատանդ են պահում»,-ասաց Նորայր Նորիկյանը։
Ապրիլի 2-ին Կոտայքի մարզի Պռոշյան համայնքի ղեկավարի վարչական շենքի դիմաց սպանվել է համայնքի ղեկավար Հրաչ Մուրադյանը: Հանցագործության կատարման կասկածանքով կալանավորվել է նրա համագյուղացի Արայիկ Պետրոսյանը, ով շուրջ ութ ամիս է, ինչ գտնվում է անազատության մեջ
