Տիգրան Առաքելյանը դատավորին գիրք նվիրեց (տեսանյութ)
Այսօր Վերաքննիչ քրեական դատարանում Տիգրան Առաքելյանի գործով դատական նիստին լսվեցին կողմերի ճառերը։
Ամբաստանյալներն իրենց ելույթներում հիմնականում ներկայացնում էին բոլոր այն փաստերը, որոնք պետք է հիմք լինեն դատարանի համար վճիռը կայացնելիս։
«Չնայած ամբողջ հասարակությունը միանգամայն հասկացել է, որ այս գործն ունի քաղաքական դրդապատճառներ՝ այս քրգործով դատավճիռ իրականացնելը որեւէ հիմք չունի»,- հայտարարեց ՀԱԿ ակտիվիստ Սարգիս Գեւորգյանը՝ հավելելով, որ դատարանը կատարում է քաղաքական պատվեր, հակառակ դեպքում չէր մերժի հայտնի մարդկանց ստորագրություններով միջնորդությունը՝ փոխելու Տիգրան Առաքելյանի խափանման միջոցը:
Տիգրան Առաքելյանն իր պաշտոնական ճառն սկսելուց առաջ հայտարարեց. «Ես չեմ կարծում, որ իմ ճառից է կախված այս դատավճիռը»։ ՀԱԿ ակտիվիստը հավելեց նաեւ, որ կուզեր այս գործի հանգուցալուծման մասին ժպիտով խոսել. «Մենք բոլորս ՀՀ քաղաքացիներ ենք, ոչ ոք չգիտի, թե ով վաղը ինչով կզբաղվի: Ես ուզում եմ արդարություն լինի: Ազատության մեջ հայտնվելով՝ արդարություն չեմ գտնի»: Նա նշեց, որ դատախազին չի էլ ուզում անդրադառնա, նրա անունն անգամ չի ուզում տալ: Տիգրան Առաքելյանի ճառից հետո հնչեցին բուռն ծափողջույններ։
Նիստի վերջում Տիգրան Առաքելյանը անկախության տոնի կապակցությամբ դատավոր Եվա Դարբինյանին գիրք՝ քրեական դատավարության մասին՝ նշելով, որ դա իրենց կայացնելիք վճռի հետ կապ չունի:
Դատավճիռը կհրապարակվի երկուշաբթի օրը:
