Ում է քաղաքապետը պատվավոր քաղաքացու կոչում տալիս
Երեւանի ավագանու «Ժառանգության» անդամ Դավիթ Սանասարյանին զայրացնում եւ զարմացնում է քաղաքապետ Տարոն Մարգարյանի՝ վաղը ավագանու արտահերթ նիստ հրավիրելու որոշումը։
Օրակարգում ՝ Լեւոն Իգիթյանին եւ էլի մի քանի հոգու «Երեւանի պատվավոր քաղաքացի» կոչում շնորհելու մասին ավագանու որոշման նախագիծն է։
«Երբ կարդացի, թե ինչի համար է նիստ հրավիրում, որ այս կամ այն քաղաքացուն պատվավոր քաղաքացու կոչում շնորհի, հիասթափվեցի եւ որոշեցի, որ չեմ մասնակցի նիստին»,- ասում է Դ. Սանասարյանը և հավելում, որ թերեւս, այնուամենայնիվ, կմասնակցի նիստին, «որպեսզի Լեւոն Իգիթյանի մասին (մյուսների դեմ բան չունեմ) կարծիքս հայտնեմ։ Տարոն Մարգարյանը պատվավոր քաղաքացու կոչում է տալիս նրանց, ովքեր կամ քծնում են իշխանություններին, կամ աղավաղում են քաղաքի ճարտարապետական տեսքը, փոխանակ պատվավոր քաղաքացու կոչում շնորհի բոլոր քաղաքացիներին, ովքեր ապրում, աշխատում և արարում են այս քաղաքում»։
