Փակ շուկայի մոտ բախում չեղավ (տեսանյութ)
«Ազատագրենք հուշարձանն օլիգարխից» հասարակական շարժման նախաձեռնող խումբը այսօր Մշակույթի նախարարության շենքի դիմաց էր՝ «Փակ շուկայում» իրականացվող շինարարական գործողությունները դադարեցնելու պահանջով:
Սպառողների ասոցիացիայի նախագահ Արմեն Պողոսյանը նույնպես միացել էր ակցիային։
Ճարտարապետ Սաշուր Քալաշյանը կարծում է, որ փակ շուկայի պարագայում օրենքը չգործեց, իսկ նման գործելաոճը կհանգեցնի մեկ հանգրվանի:
Պարոն Քալաշյանը ապօրինության դեմ պայքարում հատկապես ընդգծեց քաղաքացիների դերը, քանի որ այս երևույթը տարածված է ամբողջ Հայաստանում։
«Ազատագրենք հուշարձանն օլիգարխից» հասարակական շարժման մասնակիցները Մշակույթի նախարարության դիմացից շարժվեցին կառավարության շենք, այնուհետև գլխավոր դատախազություն, քաղաքապետարան և Փակ շուկա: Այստեղ նրանց սպասում էին շուկայի սեփականատիրոջ՝ Սամվել Ալեքսանյանի կողմնակիցները:
