Նոր ուսումնական տարին` նոր ակցիաներով (տեսանյութ)
Սեպտեմբերի 2-ից ուսանողների առջև բուհերի դռները կբացվեն բարձրացված ուսումնական վարձերով և բազմաթիվ խոստումներով: Ոլորտի բարեփոխումների մասին Կրթության և գիտության նախարարի, ինչպես նաեւ իրենց ռեկտորների խոստումները ուսանողներին հավատ չեն ներշնչում: Նրանք նույնպես պատրաստվում են նոր ուսումնական տարվան, սակայն տարաբնույթ ակցիաներով:
ՀՅԴ «Նիկոլ Աղբալյան» ուսանողական միության ներկայացուցիչների ուսումնասիրությունները թույլ են տալիս պնդել, որ ուսման վարձերի նախկին չափը լիովին բավարար է բուհերում բարեփոխումներ իրականացնելու համար:
Բուհերում էական փոփոխություն չի տեսնում նաև Երևանի պետական համալսարանի Կենսաբանական ֆակուլտետի աշխատակցուհի Անի Զախարյանը:
Սեպտեմբերից քաղաքացիական անհնազանդության ակցիաներ է խոստանում նաև «Ներազգային ազատագրական շարժումը»:
«Միասին կանխենք ԲՈՒՀ-երի վարձավճարների թանկացումը» քաղաքացիական նախաձեռնության նոր փուլի պայքարը կմեկնարկի սեպտեմբերի մեկին` երթով: Այլ մանրամասներ կհայտնեն լրացուցիչ, «Ա1+»-ին նրանք մեկ անգամ ևս վստահեցրեցին՝ ուսման վարձեր չեն վճարի բարձրացված տեսքով:
