A
A
Հայաստանը թռչող մողեսի հայրենի՞ք
«Հայաստանում դինոզավրեր են ապրել»,-համոզված է ՀՀ ԳԱԱ երկրաբանության իսնտիտուտի գիտաշխատող, երկրաբան Հայկ Մելիք-Ադամյանը:
Ըստ նրա՝ Հայաստանում նաև թռչող մողեսներ են ապրել:
«1980-ական թվականներին Սանկտ Պետերբուրգից հայտնի հնէաբան, երկրաբան Աթարբեկյանը գտել է թռչող մողեսի ոսկոր Վայքի շրջանի Նոր Անձնաբերդ և Խնձորուտ գյուղերի միջև ընկած տարածքում»,- տեղեկացրեց նա:
Երկրաբանը նշեց,որ այս հայտնաբերման մասին ռուսական մամուլում հոդված տպագրվել է միայն 2005 թվականին:
«Հայտնաբերումից այսքան ուշ տպագրվելը երևի կապված է այն փաստի հետ,որ ժամանակին ավելի հրատապ խնդիրներ են եղել»,-կարծում է նա:
Հայկ Մելիք Ադամյանը ցավով է նկատում,որ այսօր ոչ մի հետազոտություն չի արվում ,մինչդեռ մեր հայրենիքի տարածքում ժամանակին անգամ հսկա կաթնասուններ ու փղեր են ապրել:
