Եղվարդի ոստիկանապետի դին՝ գերեզմանոցում
Այսօր Հրազդան քաղաքի գերեզմանատանը հայտնաբերվել է ոստիկանության Եղբարդի ոստիկանության պետ Կորյուն Հարությունյանի դին՝ հրազենային վնասվածքով։
Ոստիկանության լրատվության բաժնից «Ա1+»-ին հայտնեցին, որ այս պահին հանգամանքները պարզվում են։
Ըստ ԱԻՆ-ի՝ մայիսի 2-ին, ժամը 09.32-ին Եղվարդի ոստիկանության պետ ոստ. գ-տ Կ. Հարությունյանի վարորդից տեղեկատվություն է ստացվել, որ իր ղեկավարը ս.թ մայիսի 1-ին, ժամը 14.30-ի սահմաններում "Նիսսան" մակնիշի 050ՈU03 պետհամարանիշի ավտոմեքենայով (ծառայողական) դուրս է եկել Եղվարդի ոստիկանության վարչական շենքից և նրա գտնվելու վայրի վերաբերյալ ոչ մի տեղեկություն չկա. որոնողական աշխատանքների համար անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Ոստիկանները Հրազդան քաղաքի գերեզմանատանը կայանած իր ծառայողական ավտոմեքենայում հայտնաբերել են Կ .Հարությունյանի դին` գլխի շրջանում հրազենային վնասվածքով:
