Կաղանդ պապի վերադարձը (տեսանյութ)
«Ձմեռային փառատոնի» շրջանակներում կազմակերպված միջոցառումների փակման արարողությունը նշանավորվեց «Կաղանդ պապի վերադարձը Ռիգելից» գրքի շնորհանդեսով:
Հայերենից բացի գիրքը թարգմանվել և լույս է տեսել' անգլերեն,ֆրանսերեն և ռուսերեն լեզուներով: Հեքիաթի հեղինակ' Աստղիկ Սիմոնյանը կարծում է,որ հայ մանուկների մոտ պետք է մշակված լինի հենց ավանդական Կաղանդ պապի կարծրատիպը' կապուտաչյա,շիկահեր և կաշվե տրեխներով:
Հեքիաթի գործողությունները ծավալվում են հեթանոսական ժամանակաշրջանում:Կաղանդ պապին օգնում են մայրության հովանավոր Արեգն ու փոքրիկ խլվլիկները:
22 օրում անցկացված միջոցառումների ծրագրում արդեն 2-րդ տարին է անցկացվում է Ձմեռ պապիների մրցավազք:
Միջոցառումների անցկացմանը այս տարի աջակցել է նաև Երևանի քաղաքապետարանը:
Փառատոնի կազմակերպիչ Րաֆֆի Նիզիբլյանը վստահեցնում է, որ տարեցտարի ծրագիրը ավելի ու ավելի հետաքրքիր անակնկալներ կմատուցի. «Այս տարի էլ ծրագրին մասնակցել են արտասահմանյան հյուրեր,որոնք պարզապես հիացել են,որ մեր երկրում նման միջոցառում է անցկացվում»:
