Հայ արտադրողի գլխավոր խնդիրը (տեսանյութ)
Սննդի շուկայի 50-ից ավելի խոշոր, միջին և մանր ընկերություներ, արտադրամասեր և կազմակերպություններ այսօր կառավարության նիստերի դահլիճում էին:
«ARMPROD EXPO 2012» միջազգային մասնագիտացված ցուցահանդեսին այս տարի մասնակցում էին նաեւ Արցախի ներկայացուցիչները: Թե Հայաստանի , թե Արցախի գործարարների նշած խնդիրները նույն են՝ հիմնականում կապված սպառման շուկայի հետ։
«Մենք մեր ուրույն տեղն ունենք շուկայում, որ չենք պատրաստվում մեր տեղը հանձնել ինչ որ մենաշնորհ ընկերությունների»,-ասաց Ստեփանակերտի կոնյակի գործարանի Երևանի մասնաճյուղի տնօրեն Արթուր Ասրյանը։
Մանր և միջին բիզնեսով զբաղվող ընկերությունները խոստովանում են, որ գործունեությունն էլի ավելի ընդլայնելու համար անհրաժեշտ է նվազեցնել հարկերը:
Ի դեպ, այս տարի առաջին անգամ ««ARMPROD EXPO 2012» միջազգային մասնագիտացված ցուցահանդես»-ի մուտքի համար այցելուները պետք է վճարեն 500 դրամ: Ըստ կազմակերպիչների՝ գումարն օգտագործվելու է բարեգործական նպատակներով:
