Ոստիկանության ամփոփագրից
Մաքսանենգության մեղադրանքով
Սեպտեմբերի 23-ին, ժամը 16.00-ին, ոստիկանության «Շիրակ» օդանավակայանի գծային բաժանմունքի ծառայողների ձեռնարկած միջոցառումների շնորհիվ Մոսկվա-Գյումրի չվերթի ինքնաթիռի ժամանումից հետո գծային բաժանմունք բերման է ենթարկվել 1990 թ. ծնված Կարեն Օ.-ն, որը 2011 թ. հունիսի 3-ից ոստիկանության Գյումրիի բաժնի կողմից հետախուզվում էր մաքսանենգության մեղադրանքով:
Հափշտակել է պարանոցի ոսկյա շղթան
Սեպտեմբերի 24-ին, ժամը 00.10-ին, Թումանյան փողոցում ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողներին է մոտեցել մի տղամարդ և մատնացույց անելով 1983 թ. ծնված Սերգեյ Խ.-ին' հայտնել, որ նա սեպտեմբերի 21-ին, ժամը 23.10-ին, Մաշտոցի պողոտայի և Գրիգոր Լուսավորչի փողոցի հատման մասում բացահայտ հափշտակել է իր պարանոցի ոսկյա շղթան և դիմել փախուստի:
Նույն օրը, ժամը 00.15-ին, Սերգեյ Խ.-ն Թումանյան փողոցից բերման է ենթարկվել բաժին:
Կատարվում է նախաքննություն:
Պատահար Սայաթ-Նովայի պողոտայի և Բայրոնի փողոցի խաչմերուկում
Սեպտեմբերի 23-ին, ժամը 22.45-ին, Սայաթ-Նովայի պողոտայի և Բայրոնի փողոցի խաչմերուկում իրար են բախվել «Ֆոլքսվագեն» և «Մերսեդես» մակնիշի ավտոմեքենաներ:
«Մերսեդես»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
Բախվել են ինքնաշեն մոտոցիկլետ և «Տոյոտա» մակնիշի ավտոմեքենա
Սեպտեմբերի 23-ին, ժամը 23.00-ին, Բաշինջաղյան փողոցի և Բաշինջաղյան 2-րդ նրբանցքի խաչմերուկում իրար են բախվել ինքնաշեն մոտոցիկլետ և «Տոյոտա» մակնիշի ավտոմեքենա: Մոտոցիկլետի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Իրար է բախվել 5 ավտոմեքենա
Սեպտեմբերի 23-ին, ժամը 23.30-ին, Սեբաստիայի փողոցում իրար են բախվել «ՎԱԶ-11183», «Աուդի», «ՎԱԶ-2107», «Օպել» և «Մերսեդես» մակնիշի ավտոմեքենաներ:
«ՎԱԶ-2107»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Բախվել է էքսկավատոր ամբարձիչին
Սեպտեմբերի 23-ին, ժամը 23.20-ին, Դավիթ Բեկ փողոցի թիվ 140 հասցեի դիմաց «ՎԱԶ-21074» մակնիշի ավտոմեքենա է բախվել կայանված «CAT-428 E» էքսկավատոր ամբարձիչին:
Պատահարի հետևանքով «ՎԱԶ-21074»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Երևան-Գյումրի ճանապարհին
Սեպտեմբերի 23-ին, ժամը 20.30-ի սահմաններում, Երևան-Գյումրի ճանապարհի 83-րդ կմ-ին «Օպել» մակնիշի ավտոմեքենա է դուրս եկել երթևեկելի գոտուց և շրջվել, ինչի հետևանքով 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
Երևան-Երասխ ճանապարհին
Սեպտեմբերի 23-ին, ժամը 11.00-ի սահմաններում, Երևան-Երասխ ճանապարհի 26-րդ կմ-ին «ՎԱԶ-2106» մակնիշի ավտոմեքենա է բախվել «Մոսկվիչ-412» մակնիշի ավտոմեքենայի:
Վթարի հետևանքով «ՎԱԶ-2106»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
Մոտոցիկլետ է շրջվել
Սեպտեմբերի 23-ին, ժամը 19.00-ի սահմաններում, Արտաշատից դեպի 7-րդ սահմանապահ ուղեկալ տանող ճանապարհին «Մինսկ» մակնիշի մոտոցիկլետ է շրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Մահացու վրաերթ Արմավիրում
Սեպտեմբերի 23-ին, ժամը 14.30-ի սահմաններում, «ԶԻԼ» մակնիշի ավտոմեքենայի վարորդը, հետընթաց կատարելիս, Արմավիր քաղաքի Արարատյան փողոցի վրա գտնվող գինու-կոնյակի գործարանի մուտքի մոտ վրաերթի է ենթարկել 1949 թ. ծնված Սևակ Սերոբյանին, որը հիվանդանոցում, գիտակցության չգալով, մահացել է:
Կատարվում է քննություն:
Տրակտոր է շրջվել
Սեպտեմբերի 23-ին, ժամը 16.00-ի սահմաններում, Գեղարքունիքի մարզի Ներքին Գետաշեն գյուղի «Կարոյի ձոր» կոչվող տարածք իջնելիս «ՄՏԶ-50» մակնիշի տրակտոր է շրջվել: Վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
