Կենսաբազմազանության վերականգնումը Հայաստանում իրականություն է դառնում։ Այս մասին ֆեյսբուքյան իր էջում գրել է Շրջակա միջավայրի նախարար Համբարձում Մաթևոսյանը և կից տեսանյութ հրապարակել։

 

«Համացանցում հերթական տեսանյութն է հայտնվել, թե ինչպես է «Կովկասյան ազնվացեղ  եղջերուն զբոսնում Լոռու անտառներում։ 2025 թվականին բնություն է բաց թողնվել 9 առանձնյակ։ Արդեն արձանագրվել է նաև բնության մեջ առաջին ձագի ծնունդը, ինչը վկայում է, որ իրականացվող աշխատանքները տալիս են շոշափելի արդյունք։

 

Այսօր ազատ պայմաններում ապրում է 18 առանձնյակ՝ հաստատելով, որ տեսակի վերականգնումը Հայաստանում իրականություն է դառնում»,-նշել է նա։