Դոնալդ Թրամփի առաջին ելույթը Կոնգրեսում (տեսանյութ)
Աջակցիր «Ա1+»-ինԱրտաքին քաղաքականությանը Սպիտակ տան ղեկավարն անդրադարձել է միայն իր ելույթի վերջում, իսկ ելույթը եզրափակել է` անդրադառնալով Ռուսաստանի Ուկրաինա ներխուժմանը։
Թրամփը հայտնել է, որ Ուկրաինայի նախագահից նամակ է ստացել, որտեղ Զելենսկին խաղաղ բանակցությունների պատրաստակամություն է հայտնել։
«Այսօր ես կարևոր նամակ եմ ստացել Ուկրաինայի նախագահ Զելենսկուց։ Նամակում ասվում է՝ «Ուկրաինան պատրաստ է որքան հնարավոր է շուտ նստել բանակցությունների սեղանի շուրջ՝ կայուն խաղաղությանը հասնելու համար։ Ոչ ոք ավելի շատ խաղաղության չի ուզում, որքան ուկրաինացիները», - ասել է Թրամփը։
«Ես աշխատում եմ Ուկրաինայում դաժան հակամարտությունը դադարեցնելու համար», - ասել է Թրամփը՝ շեշտելով․ - «Միլիոնավոր ուկրաինացիներ և ռուսներ անհարկի սպանվել կամ վիրավորվել են այս սարսափելի և դաժան հակամարտության ընթացքում, որի ավարտը չի երևում: ԱՄՆ-ը հարյուր միլիարդավոր դոլարներ է ուղարկել Ուկրաինայի պաշտպանությանն աջակցելու համար»։
Ապա ԱՄՆ նախագահը հարց է ուղղել կոնգրեսականներին․ - «Ցանկանու՞մ եք, որ սա շարունակվի ևս հինգ տարի»։
Թրամփը շեշտել է՝ ԱՄՆ-ն շատ ավելի շատ է ծախսել Ուկրաինայի աջակցության համար, քան Եվրոպան:
«Ցավոք, Եվրոպան ավելի շատ գումար է ծախսել ռուսական նավթ ու գազ գնելու համար, քան Ուկրաինայի պաշտպանության վրա, մտածեք այդ մասին», - ասել է Սպիտակ տան ղեկավարը:
Որոշ դեմոկրատներ լքել են դահլիճը, երբ Թրամփը խոսել է Ուկրաինայից։
