Մենք ՀԱՊԿ-ին հարց ենք տվել, որը մնացել է անպատասխան․ Ալեն Սիմոնյան (տեսանյութ)

Հայաստանի ազգային ժողովի նախագահ Ալեն Սիմոնյանը չի ցանկանում Ադրբեջանի հետ պատերազմի հավանականության վերաբերյալ կանխատեսում անել՝ շեշտելով, որ Հայաստանի իշխանությունն ամեն ինչ արել ու անում է, որ նման վտանգ չլինի:

Սիմոնյանն այս մասին ասաց ԱԺ-ում լրագրողների հետ զրույցում՝ անդրադառնալով պատերազմի վտանգի վերաբերյալ հարցին:

«Մեր կողմից ամեն ինչ արվել է և արվում է, որ նման վտանգ չլինի»,-ասաց ԱԺ նախագահը:

Անդրադառնալով Ալիևի հռետորաբանությանը՝ նա  շեշտեց, որ բոլոր գործողությունները պետք է լինեն հայելային, պահանջ ներկայացնելը ճիշտ հռետորաբանություն չէ:

Հայաստանի ազգային ժողովի նախագահ Ալեն Սիմոնյանը Ուկրաինայի նախագահ Վլադիմիր Զելենսկիի Հայաստան հնարավոր այցի մասին տեղեկություն չունի, սակայն կարծում է՝ եթե նման այց լինի, կլինի տարածաշրջանային այց:

«Նման տեղեկություն այս պահի դրությամբ գոյություն չունի: Բայց, եթե նման այց լինի, ես կարծում եմ, որ դա կլինի տարածաշրջանային այց, այլ ոչ թե՝ Հայաստան»,-ասաց Սիմոնյանը:

Մանրամասները՝ տեսանյութում