A
A
Փրկարարները ակումբի մոտակա ձորակից քաղաքացուն դուրս են բերել․ բժիշկները նրա առողջական վիճակը գնահատել են ծանր
Աջակցիր «Ա1+»-ինՀունիսի 13-ին, ժամը 18։13-ին Ճգնաժամային կառավարման ազգային կենտրոն ահազանգ է ստացվել, որ քաղաքացին ընկել է Երևանի Մյասնիկյան պողոտայում՝ ակումբներից մեկի մոտակայքում գտնվող ձորակը․ դուրս բերելու համար անհրաժեշտ է փրկարարների օգնությունը։ Այս մասին հայտնել է ՀՀ ներքին գործերի նախարարության փրկարար ծառայությունը։
«Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները Մ. Ու.-ին (ծնված 1992 թ․) տեղում համապատասխան օգնություն ցուցաբերելուց հետո դուրս են բերել ձորից և պատգարակով մոտեցրել շտապօգնության մեքենային. վերջինս հոսպիտալացվել է «Սուրբ Գրիգոր Լուսավորիչ ԲԿ, որտեղ բժիշկները նրա առողջական վիճակը գնահատել են ծանր»,- ասված է հաղորդագրության մեջ:
