A
A
Պեսկով․ «Եռակողմ հայտարարությունների կատարումն այլընտրանք չունի»
Աջակցիր «Ա1+»-ին«Ռուսաստանի, Հայաստանի և Ադրբեջանի ղեկավարների միջև ձեռք բերված եռակողմ պայմանավորվածությունները [ղարաբաղյան խնդրի և հայ - ադրբեջանական հարաբերությունների] կարգավորման միակ իրական և իրատեսական հիմքն են», - այսօր լրագրողների հետ զրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Կարծում ենք, որ այդ բոլոր պայմանավորվածությունների կյանքի կոչումը այլընտրանք չունի և անհրաժեշտ է բոլոր կողմերին», - ասել է Կրեմլի խոսնակը:
Մեկնաբանելով Հայաստանի վարչապետ Նիկոլ Փաշինյանի և Ադրբեջան նախագահ Իլհամ Ալիևի երեկ հնչեցրած հայտարարությունները՝ Պեսկովն ընդգծել է. - «Մենք պատրաստ ենք ողջունել կողմերի ցանկացած քայլը, որ ի վիճակի է նպաստել լարվածության թուլացմանն ու ռուս-հայ-ադրբեջանական եռակողմ համաձայնագրերի կատարմանը»։
