Ադրբեջանը պարտավոր է ապահովել մարդկանց անխափան տեղաշարժը Լաչինի միջանցքով. Հաագայի դատարանի որոշումը (տեսանյութ)
Աջակցիր «Ա1+»-ինԱրդարադատության միջազգային դատարանը հրապարակեց Հայաստանի կողմից ներկայացված «Լաչինի միջանցքի» ապաշրջափակման վերաբերյալ ժամանակավոր միջոց կիրառելու պահանջի մասին որոշումը։
Հաագայի դատարանը որոշել է, որ Ադրբեջանը պարտավոր է ձեռնարկել իրենից կախված միջոցները Լաչինի միջանցքով մարդկանց ու բեռների անխափան շարժը երկու ուղղությամբ ապահովելու համար։
«Դատարանը նկատում է, որ 2022-ի դեկտեմբերի 12-ից կապը ԼՂ –ի և ՀՀ–ի միջև Լաչինի միջանցքով խաթարված է։ Դատարանն արձանագրում է, որ այս իրավիճակը հետևանքների է հանգեցրել, և հետևանքները կրողները շարունակում են մինչ այս պահը դրանք կրել։ Դատարանի ունեցած տեղեկությունների համաձայն` Լաչինի միջանցքով տեղաշարժի խաթարումը վերաբերում է նաև նրանց, որոնք ԼՂ–ում հիվանդանոցներում են։ Տեղեկությունների համաձայն` խոչընդոտվել է ԼՂ կենսական ապրանքների ներմուծումը, որի հետևանքով սննդի, դեղորայքի պակասուրդ է առաջացել»,–ասված է որոշման մեջ։
Անդրադառնալով Հայաստանի դեմ Ադրբեջանի ներկայացրած ենթադրյալ ականապատման վերաբերյալ պահանջներին՝ Դատարանն ամբողջությամբ մերժել է այդ պահանջները:
