Ես տեսել եմ հայ զինվորական կնոջ խոշտանգման վիդեոն․ Բորիանա Աբերգ (տեսանյութ)
Աջակցիր «Ա1+»-ին«Օրեր առաջ մի տեսանյութ ստացա, որտեղ պատկերված էր հայ ռազմագերի կնոջ սարսափելի մահապատիժը։ Ինձ դեռ հետապնդում են այս դաժան տեսարանները և տեղի ունեցող անմարդկային դաժանությունը»,- ԵԽԽՎ հայ-ադրբեջանական ռազմական գործողությունների մասին քննարկմանն ասաց շվեդացի Բորիանա Աբերգը,որը ելույթ էր ունենում EPP/CD խմբի անունից։Նա նկատեց, որ այդ միակ տեսանյութը չի նման բովանդակությամբ։
Ադրբեջանի զինված ուժերի կողմից Հայաստանի տարածքային ամբողջականության դեմ լայնածավալ ռազմական ագրեսիայից ի վեր, բազմաթիվ տեսանյութեր են հրապարակվել ադրբեջանցի օգտատերերի կողմից սոցցանցերում։
«Այս տեսանյութերը ցույց են տալիս ռազմական հանցագործությունները, հայ ռազմագերիների սպանության սարսափելի տեսարանները, հայ զինծառայողների, այդ թվում՝ կանանց խոշտանգումները և դիակները պղծելը»,- թվարկեց նա։
Նրա խոսքով՝ իրենց դիրքորոշումը հստակ է՝ պատերազմական հանցագործությունների մեղավորները պետք է պատասխանատվության ենթարկվեն։
ԵԽԽՎ պատվիրակը շեշտում է, որ կարծես ուժի կամ ավելի մեծ ուժի կիրառումը դառնում է նոր նորմալություն, ինչը բացարձակապես անընդունելի է։
«Մենք կոչ ենք անում Ադրբեջանին դուրս բերել իր զինված ուժերը Հայաստանի ինքնիշխան տարածքից և վերադառնալ դիրքեր, որոնք զբաղեցնում էին մինչ այս էսկալացիան։
Մենք կոչ ենք անում Ադրբեջանին դադարեցնել ցանկացած գործողություն, որը կարող է էլ ավելի սրել առանց այն էլ սարսափելի իրավիճակը տեղում»,-ասաց նա։
