Բանավեճ Ալեն Սիմոնյանի և Գեղամ Մանուկյանի միջև (տեսանյութ)
Աջակցիր «Ա1+»-ին«Երեկ համացանցով, հեռուստատեսությամբ և ռադիոյով ահագնացող ելույթ լսեցինք կառավարության նիստից, իշխանության որոշ ներկայացուցիչներ հիմնավորում էին, որ այդ ելույթը արտաքին աշխարհի համար կանչ էր»,- ԱԺ արտահերթ նիստի ժամանակ նշեց «Հայաստան» խմբակցության պատգամավոր Գեղամ Մանուկյանը՝ նշելով, որ տրամաբանական չէ ԱԺ-ում քննարկել ՏԻՄ-ի օրենքում լրացումներ կատարելու մասին նախագիծը և չքննարկել ավելի կարևոր հարցեր, որոնք վերաբերում են մեր անվտանգությանը։
Պատգամավորը ավելացրեց, որ վերջին ՏԻՄ ընտրությունները եզակի էին՝ այս ընտրություններում, որտեղ իշխանությունը չի հաջողել, գործի է դրել դատարանը․ «Այս նախագծով փորձ է արվում ՏԻՄ-երը զավթել ներսից»։
Ելույթից հետո բանավեճ տեղի ունեցավ ԱԺ նախագահ Ալեն Սիմոնյանի և Գեղամ Մանուկյանի միջև։ Ալեն Սիմոնյանը դիտարկեց, որ եթե ընդդիմադիրները անհանգստացած են անվտանգությամբ, ապա ինչո՞ւ չեն ցանկանում ներկայանալ քիչ անց տեղի ունենալիք՝ անգլիացի դիվանագետների հետ հանդիպմանը։
Մանրամասները՝ տեսանյութում։
