Ազգային ժողովում  «Մարդու իրավունքների պաշտպանության եւ հանրային հարցերի մշտական հանձնաժողովի» հրատապ նիստ է գումարվել կապված Գորիս-Կապան ավտոճանապարհին տեղադրված ադրբեջանական մաքսակետերի հետ։

Նիստին չէին մասնակցում «Քաղաքացիական պայմանագիր» խմբակցության պատգամավորները։

Պատգամավորների կողմից բարձրացված հարցերը վերաբերվում էին նրան, թե ինչ իրավական հիմքով է վարչապետը հայտարարել, որ այդ մաքսակետերը ՀՀ սահմանից դուրս են, ինչ խնդիրների են բախվելու  Գորիս-Կապան ավտոճանապարհից օգտվող քաղաքացիները, ինչպես նաև այսօր տեղի ունեցած խաղաղ ցույցի ժամանակ ոստիկանների կողմից կիրառված անհամաչափ ուժի վերաբերյալ։

«Հայաստան» դաշինքի պատգամավոր Գեղամ Մանուկյանը ասաց, որ իշխանությունը ժողովրդի թիկունքում գործարքի է գնում թշնամի պետության հետ։

Պատգամավոր Արամ Վարդևանյանը նշեց, որ առանց ժողովրդի կարծիքի և հանրաքվեի հնարավոր չէ տարածքների փոփոխություն և դա գրված է ՀՀ սահմանադրության մեջ։

 «Պատիվ ունեմ» դաշինքից  Հայկ Մամիջանյանը նշեց, որ իշխանական խմբակցությունը տարված է միայն ՏԻՄ ընտրություններով և խնդրեց  համայնքների քաղաքացիներից քարոզարշավի ժամանակ նայել ՔՊ-ի ներկայացուցիչների աչքերին և հարցնել, թե մինչև որտեղ են մեր հայրենիքը ծախելու․ «Էս ամեն ինչը տևելու է այնքան, մինչև այդ հարցերը նրանց չտանք»։

Մանրամասները՝  Տեսանյութում