A
A
Հայաստանը հաղթեց Կոստա-Ռիկային
Խանտի Մանսիյսկ քաղաքում այսօր մեկնարկած շախմատային օլիմպիադայի առաջին մրցափուլում Հայաստանի հավաքականը 3-1 հաշվով հաղթեց Կոստա-Ռիկայի հավաքականին:
Սևերով խաղացող Վլադիմիր Հակոբյանը և Արման Փաշիկյանը իրենց մրցախաղերը ոչ-ոքի ավարտեցին, իսկ Գաբրիել Սարգսյանն ու Ավետիք Գրիգորյանը սպիտակ խաղաքարերով հաղթանակներ տարան:
Լևոն Արոնյանը առաջին մրցափուլին չէր մասնակցում:
Հայաստանի կանանց հավաքականը 1-ին տուրում 3,5:0,5 հաշվով հաղթեց հաշմանդամների աշխարհի հավաքականին: Երկրորդ խաղում մեր թիմը ուժերը կչափի Չեխիայի հավաքականի հետ:
